काठमाडौं । प्रमुख प्रतिपक्ष नेकपा एमालेका वरिष्ठ नेता झलनाथ खनालले अर्को संविधान संशोधन प्रस्ताव नल्याउन सरकारलाई चेतावनी दिएका छन् । वरिष्ठ नेता खनालले संविधान कार्यान्वयन गरेर जाने बेला सरकारले संविधान संशोधन गर्ने एकपछि अर्को असमायिक कदम चालेको भन्दै आपत्ति जनाए ।
रिपोर्टस क्लब नेपालको १९ औ बार्षिकोत्सवको अवसरमा शनिबार काठमाडौंमा आयोजित कार्यक्रमलाई सम्बोधन गर्दै संविधान संशोधन प्रस्ताव प्रतिनिधि सभाको निर्वाचनपछि मात्रै गर्न उपयुक्त हुने उनको सुझाव थियो ।
Loading...
प्रतिपक्ष एमालेलाई समेत मान्य हुने गरी अर्को संविधान संशोधन प्रस्ताव तयार पारेको प्रधानमन्त्री पुष्पकमल दाहालले साेही कार्यक्रममा बताए लगत्तै नेता खनालले त्यसो नगर्न सरकारलाई सचेत गराएका हुन् ।
नेता खनालले प्रतिनिधि सभाको निर्वाचन पछि मात्रै संविधान संशोधनको औचित्य प्रष्ट हुने भन्दै सरकारलाई गम्भीर भएर सोच्न आग्रह गरे । तीनै तहको निर्वाचन सम्पन्न गर्नु अहिले मुलुकको राष्ट्रिय कार्यभार भएको स्मरण गरे । नेता खनालले संविधान संशोधन विधेयक यतिबेला सान्दर्भिक नरहेको पटक–पटक बताए ।
Loading...
0 comments:
Post a Comment