Loading...
भदौ २७, काठमाडौं । सांगीतिक समूह नेपथ्यको नयाँ गीत ‘हो रामा रामा’ सार्वजनिक भएको छ । नयाँ संग्रहको तयारीमा रहेको नेपथ्यले त्यसमा समावेश भएको गीत ‘हो रामा रामा’ युट्युब मार्फत सार्वजनिक गरेको हो ।नेपथ्यले विभिन्न ठाउँमा भएका सांगीतिक कार्यक्रममा यो गीत प्रस्तुत गरिसकेको छ । सांगीतक कार्यक्रमका सहभागीको उत्साह समेटिएको भिडियोसहित नेपथ्यले नयाँ गीत सर्वाजनिक गरेको हो ।
नेपथ्यले दुई वर्षअघि दक्षिण कोरियाको राजधानी सउलमा भएको कार्यक्रममा यो गीत पहिलो पटक प्रस्तुत गरेको थियो । नेपथ्यको टोली फेरि सांगीतिक कार्यक्रमका लागि दक्षिण कोरिया जान लागेको छ । यही छेको पारेर उसले रामा रामाको भिडियो सार्वजनिक गरेको हो । नेपथ्यको टोलीले भदौ ३० गते सउलमा सांगीतिक कार्यक्रम गर्ने छ । उसले चार महिना अघि नयाँ संग्रहमा समावेश हुने नराम्रो सपना बोलको गीत युट्युब मार्फत नै सार्वजनिक गरेको थियो ।
Loading...
Loading...
0 comments:
Post a Comment