गतिरोध अन्त्यका लागि प्याकेजमै सहमति: पौडेल

२ पुस, विराटनगर । नेपाली कांग्रेसका वरिष्ठ नेता रामचन्द्र पौडेलले मुलुकको गतिरोधलाई अन्त्य गर्नका लागि मुख्य दलबीच प्याकेजमै सहमति हुनुपर्ने बताएका छन् ।

शनिबार विराटनगर विमानस्थलमा पत्रकारसँग कुराकानी गर्दै पौडेलले संविधान निर्माणका लागि महत्वपूर्ण भूमिका निर्वाह गरेका दल र मधेसी मोर्चाबीच स्थानीय निकायको निर्वाचनका साथै संविधान संशोधनको विषयमा सहमति गरेर मुलुकलाई निकास दिनुपर्नेमा जोड दिए ।

भिडियो हेर्न तल क्लिक गर्नुहोस

Loading...

तराईका जनताको भावनालाई समेटनुपर्ने भन्दै उनले संविधान संशोधनको विषयलाई लिएर यतिखेर रोल्पा, प्यूठानको जनतालाई पर्नसक्ने मर्कालाई पनि ध्यानमा राख्र्नु पर्ने बताए ।

नेता पौडेलले पुनःसंरचना आयोगले पेस गरेको प्रतिवेदनमा कतिपय पहाडी जिल्लाका बासिन्दालाई चित नबुझेको र तराईका आठ जिल्लाको प्रतिवेदनसमेत नआएको अवस्थामा स्थानीय निकायको निर्वाचन पुरानै संरचनामा गर्नुपर्ने बताए ।
Source : Onlinekhabar

Loading...