Loading...
Loading...
तनहुँको शुक्लागण्डकीमा सञ्चालित ब्राइट फ्युचर उच्च माध्यामिक विद्यालयका प्राचार्य प्रा. डा. चन्द्र बहादुर थापाले एक विद्यार्थीलाई विद्यालयमा गयल भएको आरोपमा शारिरिक तथा मानसिक यातना दिएका छन् ।
कक्षा ९ मा अध्ययनरत वर्ष १४ का मुस्लिम समुदायका मोहोम्मद हुसेन अलि लाई थापाले कुटपिट गर्दै झोला बोकाएर चर्काे घाममा ३ सय पटक उठबस गराउँदा मियाको ढाड र खुट्टामा समस्या देखिएको पारिवारिक स्रोत बताएको छ । मियाँ घरमा आफ्नै हजुरआमा को निधन भएका कारण ३ दिन सम्म विद्यालयमा अनुपस्थित रहेका थिए । हजुर आमाको निधन भएका कारण विद्यालय आउन नसकेको बताउदाँ मृतक सँगै किन नगएको भन्दै थापाले दुरब्यवहार समेत गरेको पिडित अलिले बताए । त्यस्तै कक्षामा प्रबेश गर्नको लागी पटक पटक अनुरोध गर्दा कक्षा शिक्षक नेत्र अधिकारीले नचिनेको भन्दै कक्षामा प्रबेश गर्न रोकेका थिए ।
यता मियाकी आमा रोजिना खातुनले आफ्नो बच्चालाई चरम यातना दिएकै कारण राम्रो संग हिड्न समस्या भएको बताईन् । आफू स्वयंले विदाको लागी विद्यालयमा जानकारी गराएको खातुनले स्पष्ट पारिन् । पारिवारिक समस्याले गयल भएकै कारण चरम यातना दिएको दुखेसो पोख्दै दोषि माथि आवश्यक कारबाही हुनु पर्ने माग गरेकी छिन् ।
साथै प्राचार्य थापाले मुस्लिम समुदायको भावनालाई कदर नगरेको समेत उनले आरोप लगाइन् ।
यता प्राचार्य थापाले भने विदाको लागी गरेको जानकारी आफुलाई थाहा नभएको भन्दै सामान्य सजायँ गराएको बताए । थापालाई विद्यार्थीको समस्याको बारेमा हामीले जानकारी गराउदा आफुलाई थाहा नभएको प्रतिक्रिया दिए । आफ्नो गलत नियतले विद्यार्थीलाई सजाय नदिएको उनले जिकिर गरे ।
Loading...
0 comments:
Post a Comment