शाहरुख खान अमेरिकामा पक्राउ !

बलिउडका चर्चित अभिनेता शाहरुख खान अमेरिकामा पक्राउ परेका छन् ।

खानलाई अमेरिकाको लस एन्जलसस्थित विमानस्थलबाट अमेरिकाको इमिग्रेसन विभागले पक्राउ गरेको हो ।

पक्राउ परेको बारे खानले स्वयम् ट्वीटमार्फत् जानकारी गराएका छन् ।

उनले ट्वीटमा भनेका छन् ‘विश्व कस्तो छ भन्ने मलाई थाहा छ र यसको सुरक्षाको पनि म सम्मान गर्छु ।

तर हरेक पटक अमेरिका आउँदा इमिग्रेशन विभागले पक्राउ गर्दा निकै हैरान भएको छु ।’ पक्राउ परेका खानलाई सोधपुछपछि छाडिएको छ ।

यसअघि पनि अमेरिकाले शाहरुखलाई पटक पटक पक्राउ गरेको थियो । उनी पक्राउ परेको तेस्रो पटक हो । सन् २००९ र २०१२ मा पनि उनी पक्राउ परेका थिए ।

त्यसबेला उनलाई केही घण्टा हिरासतमा राखिएको थियो ।